Корюмли къырымтатар эрбаплары, омюрлери ве фаалиетлери халкъымыз, ярымадамызнен багълы олгъан дигер миллет векиллерине багъышлангъан «Шахыслар» рубрикасынынъ биринджи къараманы – Исмаил Гаспринский.

Замандашлары Исмаил бейни «тюркий миллетнинъ атасы», «оджаларнынъ оджасы», «мусульман журналистикасынынъ бабасы», "тюрк-татар ве ислям даийси", "идеялар, мефкюрелер фабрикасы" киби сёзлернен шерефлегенлер.

МУТЕФЕККИР, ИСЛЯХАТЧЫ

Гаспринский «джадитчилик» арекетине темель къойды, «усул-и-джедит» адлы янъы методикасыны къырымтатар мектеплеринде, Русие ве четэльдеки окъув оджакъларында ишлетти. «Тильде, фикирде, иште – бирлик» шиары алтында халкъларнынъ инкишафы огърунда хызмет этти.

ИЧТИМАИЙ-СИЯСИЙ ЭРБАП

Багъчасарайда депутат ве шеэр башы вазифесинде булунды. Меслекдешлеринен бераберликте «Иттифакъ аль-муслимин» бутюнрусие тешкилятыны мейдангъа кетирип, онынъ Къырым болюгине реберлик япты.

ОДЖА

Гаспринский мектеплерде, Зынджырлы медреседе дерс берди.

ЭДЕБИЯТЧЫ

Языджы ве публицист оларакъкъырымтатар ве дигер тюркий халкълар эдебиятларында янъы бедиий-публицистик жанрларгъа, шу джумледен, роман жанрына темель къойды.

НАШИР, МУАРРИР

«Терджиман» басмаханесинде газета, меджмуа, бедиий, окъув-усулий, диний ве дигер эдебият нешир эттирди.

2015 сенесинден башлап, Къырым Джумхуриети Девлет Шурасынынъ къарарынен, эр йылы алий окъув юртумызнынъ беш аляджы студенти Исмаил Гаспринский адына стипендиянен такъдирлене.

Яркий представитель плеяды выдающихся уроженцев нашего полуострова – классик крымскотатарской литературы, основатель национальной журналистики, издатель и публицист, великий просветитель, реформатор в области образования, общественно-политический деятель конца 18 – начала 19 веков Исмаил Гаспринский.

Один из современников Исмаил бея писал: «Гаспринский, посвятив всю свою жизнь и деятельность Крыму, будучи связанным с ним душой и телом, поднялся над границами Крыма, вышел за пределы своей отчизны и своей нации, став великим реформатором всего турецко-татарского мира и всего исламского мира».

Актовый зал нашего университета украшает галерея портретов всемирно известных личностей. Отдельное место занимает изображение Исмаила Гаспринского с его изречением: «Самое благородное дело – дело науки и просвещения».

Ирфан Нафиев. «Исмаил Гаспринскийнинъ портрети» (2023).

Ирфан Нафиев. Портрет Исмаила Гаспринского (2023).

Фото пресс-службы КИПУ имени Февзи Якубова