Бугунь – Арфе куню. Бир ай девамында мусульманлар ибадетлер къылып, ораза туттылар, мухтаджларгъа ярдым къолуны узатты, джемааткъа, дин къардашларгъа ифтар емеклерини икрам эттилер.

Ораза – къадимий байрамлардан бирисидир. Рамазан айынынъ сонъки куню байрамгъа азырлыкъ къызгъын кете: эвлер ве азбарлар джыйыштырыла, янъы урбалар алына, къавалтылар ве татлы емеклер пишириле.

Арфе куню, акъшам, къырымтатарларда «къокъу чыкъарув» адети бар. Эв бикелери миллий хамыр ашлары: чибереклер, янтыкълар, локъумлар, къатламалар пиширелер. Бу емеклер энъ азындан «учь къапы»гъа, яни якъын яшагъан къолум-къомшу, сой-сопкъа даркъатыла. Бутюн къоранта азалары софра башында топланып, дуа эте, арфе емегини ашайлар.

Байрам арфесинде эр бир аиле азасына бир кило богъдай фияты микъдарында фитир садакъасы бермек шарттыр.

Къартларнынъ хатырлагъанына коре, эскиден байрамдан огюне, ятаджакъта, къадын-къызлар пармакъларына, авучларынынъ ичине, сачларына хына къойып багълагъанлар.

Ораза байрамы учь кунь къайд этиле. Эв-эвден юрип, байрамнен хайырлагъан балаларгъа кучюк торбачыкъларда чешит татлылыкълар: емишлер, джевизлер, емиш къурусы эдие этильген.

В канун Ораза байрама (Арфе куню) у крымских татар принято готовить чибереки и другие традиционные мучные блюда. Эта традиция имеет сакральное значение. Таким образом задабриваются души умерших предков.

          Интересное описание празднования Ораза байрама войском Крымского ханства во главе с ханом Мухаммедом IV Гераем и великим визирем Османской империи Мелек Ахмедом-пашой в Аккермане (ныне – город Белгород-Днестровский) оставил османский путешественник 17 века Эвлия Челеби в своем многотомном труде «Сейяхатнаме» («Книга путешествий»):

«…Паша тогда же снова вошел к хану, и они по случаю разговения после рамазана вкусили поданные на двухстах фарфоровых блюдах мускусное печенье, леденцы, персики и другие фрукты, благовонные желуди, сахарные [головы в виде] хижин, [сласти] с амброй, пирожные с фиалкой, с гиацинтом... (название изделий из теста с приправами) и [еще] семьдесят видов [различных яств] с мускусом. Затем они вкушали разное варево и мускусные напитки, а закончив трапезу, умыли руки из украшенных жемчугом кувшинов и тазов <…> В тот же день по мусульманскому обычаю в семидесяти местах были расставлены шесть тысяч блюд с различными яствами – кебаб из трехсот баранов, плов в пятидесяти котлах, шафранный плов и прочие блага семидесяти видов, и при всем этом пятьдесят тысяч хлебов».

Поздравляем всех мусульман с кануном праздника и наступлением Ораза байрама!

Сайгъылы дин къардашлар! Эпинъизни Арфе кунюнен хайырлаймыз! Джумлемизге кирип келеяткъан Ораза байрамы мубарек олсун!

Нина Жаба «Изготовление чебуреков». Серия открыток «Из жизни крымских татар», 1930-е годы.

Источник: Журнал любителей открыток «Жук». – 2008. – №3.