«Меракълы китаплар» («Book-навигатор»)

Апрель 17-де къалемини сюнгюге денъиштирип, Ватанымызнынъ азатлыгъы огърунда курешкен дженкчи-шаир Бекир Ваапнынъ догъгъанына 110 йыл толды.

1937 сенеси Къырым педагогика институтынынъ ана тили ве эдебияты факультетини битирген Бекир Ваап аскерликке алынды. Яш шаир фин дженкинде, 1941 сенесинден исе Улу Ватан дженкинде иштирак этти.

Языджы Юсуф Болатнынъ къалемдеши акъкъында бойле хатырлавлары бар:

«Дженк йыллары Москвада, умумсоюз радиокомитетинде махсус бизим тилимизде ишиттирювлер редакциясы чалыша эди. Ыргъат Къадыр ве Бекир Ваап вакъыт тапкъанда редакциягъа кирип, янъы язгъан шиирлерини Кърым партизанлары ве гизли тешкилят азалары ичюн радиодан окъуй эдилер. Бу эсерлер терен ватанперверлик дуйгъуларнен ашлангъан атешли шиирлер эдилер.

Чокъкъа бармай, Бекир Ваап текрар джебэге кете ве бир даа къайтып кельмей. Ола билир, сонъки ялын пускюриджи адждерханен курештеки амансыз урушларда шиирлери де озюнен бирликте эляк олгъандыр. Чюнки Бекир, автоматы киби, шиирлерини де эр вакъыт янында ташый эди…»

Бекир Ваап – один из 12 крымскотатарских писателей-фронтовиков, сложивших головы на полях войны.

С 1937 года судьба поэта Бекира Ваапа была связана с военной службой. Литератор является участником финской и Великой Отечественной войн. На фронте старший лейтенант Ваапов командовал ротой.

Писатель Юсуф Болат оставил воспоминания о встрече с поэтами Бекиром Ваапом и Ыргатом Кадыром в 1944 году в Москве:

«Оба были в офицерской форме. Они сидели рядом на лавке у подножия памятника Пушкину и о чем-то оживленно беседовали.

Б. Ваап написал длинное стихотворение о татарской девушке-фронтовичке. Он прочитал его дважды.

– У меня в портфеле еще много стихов, – сказал Ваап.

– А что ты собираешься с ними делать?

– После войны опубликую!»

Офицер погиб 14 августа 1944 года во время ожесточенных сражений под деревней Гайтурлевка Вилга-Вишского района Литвы.

Единственная авторская книга Бекира Ваапа – поэтический сборник «Недописанные стихи» («Язылып битирильмеген шиирлер») – увидела свет в 1990 году, спустя 46 лет после его гибели.

Бекир ВААП

Меним Зейнебим

Раат юкъла, Зейнебим,

Дженкчинъ постта тургъанда.

Чаталлангъан юрегим

Ватан ичюн ургъанда.

Сенинъ татлы юкъунъны

Ябан эльге больдирмем.

Тиш къайрагъан душманны

Агълатырым, кульдирмем.

                                     1939 с.

Источники:

Ваап Бекир. Меним Зейнебим / Йылдыз. – 2022. – № 2. – Март-апрель.

Велиев Аблязиз. Ваап Бекир (Бекир Ваап). Старший лейтенант / А. Велиев. Боевые офицеры : Крымские татары во Второй мировой войне. Т. 2 (2013).

Къаралезли Амди. Язып битирильмеген шиирлер / Йылдыз. – 1982. – № 5. – Сентябрь-октябрь.